شب یلدا مبارک

تۆلکۆ

تۆلکۆ

قوْشار: چاراوْیماغلی سۆلئیمان نوراللهی

تۆلکو بیر گۆن دره دن صبح ایدی دێرماشدێ داغا

دۇردو بیر دقت ایله‌ن باخدێ سوْلا باخدێ سـاغا

گؤردۆ بیر یاغلێ خوْروز کتـده چیـخـیـبدیـر قـالاغا

آغـزێ بـۇرنــون یـالئـیـیــب قـۇیـروغـونـو بیـر بـۇلادێ

داشێن اۆستونده دۇروب قۇرد کیمی حئیوان اۇلادێ

 

ناخوْش اینسان نئجه آرمود یئتیشینجه دارێخـار

ایستی‌ده تشنه نئجه باشێنی کهریزه سوْخار

یئریک آرواد نئجه تۇرش آلچایا حســرتله باخـار

باخدێ باخـدێ دئـدی منلـه‌ن بیلیـره‌م کینـه‌سـی وار

قالاق اۆسته‌ن سالا بیلسه‌م یئمه‌لی سینه‌سی وار

 

قۇلاغ آسدی گؤره هئـچ چـؤلـده اۇشـاق زاد آتـێلێـر

گینه اووه‌ل کـی کـیمـی کتــده داوار مــال قـاتێـلێـر

گؤردو بیر «قووو» دئییسه‌ن باشدا قۇلاقلار دۇتـولـور

نه گله‌ن وار، نه گئده‌ن وار، نه کؤپک وار نه پیشیک

نه چوْبان وار، نه ناخێرچی، نه ده نؤکر نه کئـشیک

 

یئکسـره شهره کؤچۆب کتـدی‌لـر آغـدان قــره‌یــه

کیـم قالێب ال-چؤره‌گیله‌ن بالـێ قاتسێن کــره‌یـه

چـۆرودوب آیـرانێنـێ آغ شــوْرۇ باسسێـن دری‌یـه

نه قالێب خان اۇجالا شؤهرتی افلاکه چاتا

نه قالێب به‌ی چیخه دامدان گلینه آلما آتا

 

نه سۇ وار مزرعـه‌لـرده نـه گلیـر جـۆتجـو سسی

بێراخێب چای-چیمنی بیریانا قاچمێش هره‌سی

اوْ یئکه ائولر اوْلوب قۇرد یئری، بایـقۇش قفه‌سی

بیر کؤپک دامدا کئشیکدی ائله پیس حالدا یاتێب

ائله بیل تزریقـی معتـاد هئـروئیـن قورصـی آتێـب

 

الغـرض! کنـده گـلیـب تـۆلکـو اوْ اۇستــاد کلـه‌ک

حاجێ فیلانی کیمی حوْققاباز-وْ-حـیلـه ده تـک

ظاهری خوْش ولی باطن‌ده کؤپک اوْغلێ کؤپک

بیر اۇزون تسبح ایله‌ن چؤلده دۇروب ذکر اوْخۇیار

ائـوده بافنـده دی شئیطان باشینا بؤرک توْخۇیار

 

دۇردو باخدێ خوْرۇزا تؤکدو اۆزه گـؤز یاشێنـێ

چکیلیـب دال-دالا بیـر دیـوارا وێـردی باشێنـێ

دئدی قارداشدا بۇجور یاده سالار قارداشێنێ

گل آشاغا سنه قۇربان قــوْلۇوی بوْینــۇما سال

گر یئرون اوْلماسا منله‌ن گئده‌گین باغچادا قال

 

ایندی هر نه دئییرم سؤزلریمه دۇز قۇلاق آس

دۆشمه تشویشه اوْغۇل ائیله‌مه چوْخ خوف-وْ-هراس

من سنی ایسته‌ییره‌م سنده منی باغرۇوا باس

تزه بایرام یئتیشیب بیر-بیره ائل‌لر قارێشیر

سنی یالقۇز گؤرۆره‌م من بئله قلبیم آلێشیر

 

الۇوی وئر الیمه اؤلکه‌نیزین داشێن آتاق

بلکه تهراندا گئدیب درهم-وْ-دیناره چاتاق

بوْشلا بۇ چاله سری بیزده گئدیب وان دا یاتاق

اوْردا لی شالوارێ گئی زاد-مادێ سیخ منگه‌نه‌ ده

باشۇوێ آلمانێ وێر سققه‌لی ساخلا چنه ده

 

تهرانا گئتدی چوْخو باغلادێ همّت کمری

«گۆل قیزین» داغدا آجێندان ییخیلیب اؤلدۆ اَری

گؤرنه آزاد دوْلانێر ایندی قێزی ماه پری

رنگی باش، مصنوعی قاش، سۆرمه‌لی گؤز عینکی‌دی

یانچاغێ مانتوون آلتدا ائله بیل کی سَکیدی

 

گله لعنت، گتیریب مملکته مُد سالانا

اؤرکه‌نه گئن تومانی، چادرانێ وئردیک پالانا

قوْرخ هله دایچا کیمی قیز گله چێلپاق دوْلانا

اوْندان اولاد عمله گلسه هروئین ساز اوْلۇر

الکلی، بنگی و یا دامدا دۇروب قۇشباز اوْلور

 

سنه دشمن دگیله‌م ائیله‌مه بو فکر-ی-خامی

قارێشیب بیر بیره ملت باجێ قارداشدێ هامی

من حرام مئیل ائله‌مه‌کده‌ن دالا چکدیم یاخامی

نه دی دونیا ساتام ایمانێمی بیر پوْنـزا اَتـه

من گره‌ک فکر ائلییه‌م ایندی داداش آخرته

 

بیر گۆنی دال درده عربه ده چکدیم دئییره‌م

بیرده‌ن اوْن دؤرد توْیۇغۇن قانێنێ تؤکدۆم دئییره‌م

ایشچی‌نین ائیمه‌سی‌نین قارنێنی سؤکدۆم دئییره‌م

قۇرد کیمی داغدا دۇروب حمله ائدیردیم داوارا

چئینه‌دیم جۆت قئییشین جۆتچونو قوْیدۇم آوارا

 

هر یئره کی یئتیشیب ظلم ده طغیان ائله‌دیم

ائله وقت اوْلدۇ کی من گۆنده اوْتۇز قان ائله‌دیم

باجالاردان سوْخۇلوب نین‌لری ویران ائله‌دیم

قلبیمه دغدغه وئردی ائله شیطان-ی-رجیم

آناجێ تۇتدوم آپاردێم جوجه‌لر قالدێ یتیم

 

آمما ایندی ائلئییب قددیمی دؤرد قات قوْجالێق

قوْهۇمێ قارداشێ مندن ائلئییب یاد قوْجالێق

ائیلییه‌رمیش کیشینی دهریده آرواد، قوْجالێق

ذره‌بین عینکیله‌ن قارغانێ میلچک گؤرۆره‌م

گئجه‌نی صبحه کیمی دیک دایانێب اؤسگۆروره‌م

 

قوْجالێق کی یئتیشیر قدرتی اینساندان آلێر

سرطان، دیکس-ی-کمر، اللی جۆره درده سالێر

قلبووه گلمسه گر عقلیده باشدا آزالێر

ایکی رکعت‌دی نامازدا قارێخیر اؤز اؤزونه

ایسته‌ییر سجدیه گئتسین دالێ باخمێر سؤزینه

 

سن اؤزونده گئجه هئی صبحه کیمی بانلئییسان

بیلیره‌م نیّتیوی بی نامازی دانلئییسان

ایندی ملّت چوْخۇ معتاد دی بۇنو آنلئییسان

نشئه حالیندا جوان پیک نیکین اۆستونده قالێر

سیمی سنجاقه چکه‌نده نفسی دالدان آلێر

 

بیر یئکه داشدێ سالێب معتاد اؤزی اؤز باشێنا

قارێشێب آب-ی-دهانی چنه ده گؤز یاشێنا

ائوده آرواد جلب اوْلسا، یێغار اؤز اوْیناشێنا

خالق یییه‌ر، اؤزگه ایچه‌ر، تندیرین اؤزگه قالێیار

بۇ پیشیک تک فقط آشپازخانادا قاب یالێیار

 

تۆلکۆیه باخدێ خوْرۇز وئردی بۇ نوعلیه جواب

دئدی قوْی گئت گئده! ای ابله-ی-بد حق-وْ-حئساب

دونیادا سن نه قانێبسان، نه‌دی عوصیان و ثواب

سن کیمی کاذب-وْ-جاهل، گره‌ک اؤلسۆن اریسین

دۆنه‌ن آخشام موْتالێن، تؤوله‌ده  جیردین دریسین

 

باشۇوێ سیلکه‌لئییب وئرمه منه دردسری

باشێ مؤمن، دیبی کافر، سؤزۆوین یوْخ اثری

کیم ائدیب عابد-وْ-زاهد، سن-ی-تک حیله‌گری

ائششه‌گین دوْنبالانێن لاشخوْر الینده‌ن آلێسان

ایکی ساعت‌دی یالاندان منه زێرنا چالێسان

 

بیزه هر یان کی کله‌کدی داخێ سن وۇرما کله‌ک

همده‌میم گئتدی الیمده‌ن ائویمی ییخدی فله‌ک

بۇ گئجه آروادێمێ قابلامایا قوْیدۇر مله‌ک

توْی اوْلا یا یاس اوْلا یا حاجێ گلسه آشارێق

گاهی چؤلمه‌کده یاتێب، گه پیلوْوا دێرماشارێق

 

باخێر آشپازخانایا قلب نوراللهی یانێر

تویۇغۇ هاممی یئیه‌نمه‌ز، بۇنی عاله‌مده قانێر

اهل-ی-عیالین اۆزۆنه دیک باخا بیلمیر اۇتانێر

نئیله‌سین هر کیلوسو بیر دوه‌نین قیمتیدی

اوْدا کی ایندی چوْخۇ تۆلکۆلرین قسمتیدی

http://dasbulaq.persianblog.ir/post/21/

آتاسؤزو

ایسته دییمیز یاریدی ، یئتیردی پروردگار

*

ایچریم اؤزومو یاندیریر ، ائشییم اؤزگه نی

*

ایته باخ ، قایساوادان پای اومور

*

بایاتی

قرنفولم دسته یم

بولبولم قفس ده یم

خبر وئرین یاریما

حسرتیندن خسته یم

بهشت و جهنم - زنده یاد شهریار

بهشت و جهنم

به جنت جنگ شیطان بود و آدم
خدا هم عذرشان را خواست از دم
فرود آوردشان در خاک و فرمود
جهنم با بهشت اینجاست توام
اگر صلح و صفا ، عالم بهشت است
و گر جنگ و جدل ، دنیا جهنم
در این صورت چه نابخرد کسانیم
که غمگین می کنیم این عیش خرم
مگر جنگ جهانی را ندیدیم
که آتش زد به سر تا پای عالم
چه سوزان آتشی کز بعد سی سال
هنوزش هست دنیا غرق ماتم
به حق آن خداوندی که ما را
گهی شادی جزا بخشد گهی غم
بیائید از محبت این جهان را
به خود جنت کنیم و آن جهان هم

آتا سؤزلری

تاتی دؤیه رسن آقجا چیخار ، کؤزری دؤیه رسن بوغدا

ائوی یانان منم ، الی کؤسوولو سن؟

ایکی کؤنول بیر اولسا ، تاپار دالدا یئرینی

 

تزه به ی گلیب ، کاکولونو یاندان قویور

 

کاسیب چؤرک تاپماز یئمه یه ، ایتینین آدین گوموش قویار

 

شرطی شوخومدا کسیر

 

کوتانی برک ده ، ایگیدی یامان گونده تانی

وبلاک یازانلار گونوز مبارک

 

۹ شهریور روز جهانی وبلاک نویسان و ۱۶ شهریور روز وبلاکستان فارسی بر

 وبلاک نویسان مبارک

شعر طنز قارقا - جعفر خضوعی

آيري شهره دُرنا گئدير

بيزیم شهره آلا قارقا
سندن سوواي بيزيم يوردي

كيمدي يادا سالا قارقا
خيابانا مالات توكوب

چك اوستوندن مالا قارقا
اسيد قئغين آخاجلاردان

توك باشلاري دالا قارقا
اوغري گلسه بيلن اولماز

سن بوشهري تالا قارقا
غربت بیزیم اولکه میزی

سالوب يامان حالا، قارقا
يوخ قاباغا باخماق اوزي

دونوب باخير دالا، قارقا
بولبوله داش دَيَن يرده

گرك سازين چالا قارقا
الينده وار آفتاباسي

گليب بوردا قالا قارقا
سنه اَيري باخان اولماز

خوش گليب سن بالا، قارقا

*

جعفر خضوعی - وبلاک یوخا

ایکی بایاتی

گؤی ده اولدوز اللی دیر

اللی سی ده بللی دیر

سئویله جک گؤزلین

گؤزلریندن بللی دیر

عزیزیم نازلی یاریم

باشیمین تاجی یاریم

اوزونده گؤز ایزی وار

سنه کیم باخدی یاریم

بایاتی

عزیزیم فنر کئچدی
بو داغدا فنر کئچدی
عزرائیل سینه ن اوسته
قلبیمدن نه لر کئچدی
*
عزیزیم یاسا منی
یار گه زیر یاسا منی
اؤلمه یین یقین اولدو
باتیردین یاسا منی
*
بو داغلار قالا داغی
بورویوب لالا داغی
هر داغ اولسا چه کیلر
چه کیلمز بالا داغی

اولماز - طاهر ، زهره

وفالییا امک چکسه ن ایتیرمه ز

بد اصیل نصیحت اؤیود گؤتورمه ز

قاباق تاغی تر شاماما یئتیرمه ز

گؤی سؤیودده هئیوا اولماز نار اولماز

تئل ناز زنگانلی

اؤز الیمده قالمیشام

نه آتا بیلیرم اؤزومو

نه اودا بیلیرم.

قاچا بیلمیرمده اؤزمدن

قالمیشام اؤز الیمده.

تئل ناز زنگانلی

آتاسؤزلری - هر

هر آغاران قار اولماز

هر اوخویان بلبل اولماز

هر اوخویان ملاپناه اولماز

هر آغاجدا بار اولماز

هر گولون بیر ایی وار

هر میوه نی یئمه زلر

هر سؤزو دئمه زلر

هر سؤزون بیر یئری وار

 

وار - واحد

گرچه محبت عالمینین چوخ صفاسی وار
هر قاره زولفه میل ائده نینین مین بلاسی وار
عاشیق شیکایت ائیله مه ز هر جؤره صبر ائده ر
پروانه سانما آتشه باتسا نواسی وار

اولسا - واحد

یار اگر مهر و وفانی دوشونه ن یار اولسا

غم دئییل دیر بوتون عالم بیزه اغیار اولسا

اهل دل ذوق و صفانی لب جاناندان آلیر

ظلم دور عاشیقه جانانی دل آزار اولسا

شاه اسماعیل خطایی

ازل دن عشق له دیوانه گلدیم

یئریم مئیخانه دیر مستانه گلدیم

امامیم دیر منیم او شاه مردان

بوگون نسل علی مئیدانه گلدیم

شاه اسماعیل خطایی

خاقانی شروانی

اوره ییم سنین دیر قورو جانام من

میرواری سن ده دیر بوش عوممانام من

صبیرلی اول دئدین حالیمی پوزدون

ائله صبر اوزوندن پریشانام من

خاقانی شروانی

یالوارما

کؤنول وفاسیز اولان نازلی یارا یالوارما

نه اعتبار اونا ، بی اعتبارا یالوارما

داریخما یاخشی - یامان روزگاریمیز کئچه جک

بو بئش گون عؤمره گؤره روزگاره یالوارما

واحد

باهار گلیب - شوطدو داداش

آی گوزه لیم بهار گئلیب یاز گئلیب

عاشیقلارین سینه سینده ساز گئلیب

سو اوستونده کیمغه باخ قاز گئلیب

چال عاشیقلار سازدا بهار بیللنسین

ائل اوبامیز ، شادلیقینان گوللنسین

باهار گئلیب توپراق آلدی نفسی

گوله خاطیر بولبول قیریر قفسی

چول حیوانی سالیر داغدا یاز سسی

گورنه گوزه ل سس داغلاری بورویوب

بارلی چیچک هر باغلاری بورویوب

چول قوشلاری قانات چالیب گئزیللر

قوش قوزولار چول اوتلارین ازیللر

قیز گئلینده ائو اطاقی بئزیللر

باهار قوشو چولده دولان چال قانات

داغدا داشدا یورولدون سن اوردا یات

باش قووزادی سو یانیندا یارپیزلار

ییغیر یارپیز آرواد اوشاق هم قیزلار

شاعیر سوزون ساخلییاجاق کاغیذلار

بو احواللار خاطیره دی باهاردان

چشمه لرده حیات تاپیر باخ قاردان

قد قد دئییر تویوق یومورتا سالیر

کئند خانیمی دوزگون قاتیقلار چالیر

شهرلیده دوزگون قاتیقلار آلیر

آی باهاریم سئنده گوزه ل نعمت وار

ایلاهیده ن گوزه لده بیر حکمت وار

یاز هاواسی سئرین ییلاق هاواسی

واللاه یوخدو ، هیچ باهارین بلاسی

طبیعتین اولوپ گوزه ل نماسی

گوزه للیقین درسین باهار وئریبدی

هر طرفه نقش و نگار وئریبدی

سولار آخیر شاقا شاقلی آخلاردان

کهلیک قوشلار قورتولوبدور اوخلاردان

باهار وقتی سوزلر یوخدو ، یوخلاردان

نعمتی چوخ برکتلی سن آیسان

اوچ آی تمام گوزه لیقه سن تایسان

چول سبزیسی چولون گوزه ل رحمتی

باهار کئچیب بو سبزینین زحمتی

چیخین چولده ییغین بوگور نعمتی

داغلار چمن ، توپراق یاشیل ال الوان

یئرده ن چیخان اوتلار هر درده درمان

*

شاعر : یوسف پورعظیم شوطی - شوطدو داداش

وبلاک : http://shutdudadash.blogfa.com/

*

به یاد اسد بهرنگی

 

آدام گئدر آدی قالار