گلدیم
یار سنی عدالت بیلدیم
من قاپینا داده گلدیم
چوخ جفا چکدیم یولوندا
عمرو وئردیم باده گلدیم
...
لبین ایچیب چشمیم قانی
اولموشام جلاد قربانی
قوینوندور عطار دوکانی
نه عجب بو دادا گلدیم
...
قوربانی دیر منیم آدیم
مولامدان آلدیم مردادیم
سینه ندی چارشیم بازاریم
شکره ، نباته گلدیم
آشیق قربانی
بهجت آباد خاطره سی
اولدوز سایاراق گؤزله میشه م هر گئجه یاری
گئج گلمه ده دیر یار ، گئنه اولموش گئجه یاری
گؤزلر آسیلی یوخ نه قارالتی نه ده بیر سس
باتمیش قولاغیم ، گؤر نه دؤشورمه کده دی داری
بیر قوش « آییغام » سویلویه ره ک گاهدان اییلدیر
گاهدان دا اونو دا یئل دئیه لای – لای هوش آپاری
انیشتن
انیشتن یک سلام ناشناس البته می بخشی
دوان در سایه روشنهای یک مهتاب خلیائی
نسیم شرق می آید ، شکنج طره ها افشان
فشرده زیر بازو ، شاخه های نرگس و مریم
بلالی باش
یار گونومی گؤی اسگییه توتدو کی دور منی بوشا
جوتچو گؤروبسه ن اؤکوزه اؤکوز قویوب بیزوو قوشا ؟
سن اللینی کئچیب یاشین ، من بیر اوتوز یاشیندا قیز
سؤیله گؤروم اوتوز یاشین نه نیسبتی اللی یاشا ؟
سن یئره قویدون باشیوی من باشیما نه داش سالیم ؟
بلکه من آرتیق یاشادیم نئیله مه لی ؟ دئدیم یاشا
بیرده بلالی باش نچون یانینا سوپورگه باغلاسین؟
بؤرکو باشا قویان گرک بؤرکونه ده بیر یاراشا
بیرده کبین کسیلمه میش سن منه بیر سؤز دئمه دین
یوخسا جهازیمدا گرک گلئیدی بیر حوققا ماشا
...
دئدیم : قضا گلیب تاپیب ، بیر ایشیدی اولوب کئچیب
قوربانام اول آلا گؤزه ، حئیرانان اول قلم قاشا
منکی اؤزومده بیر گوناه گؤرمه ییرم ، چاره ندیر ؟
پیس بشرین قایداسی دیر ، یاخشی نی گؤرسه دولاشا
دوستا مروت ائتمه لی دوشمه نیله کئچینمه لی
قایدا بودیر ، حئیف دئگیل بشر یولون آشیب چاشا ؟
من ده سنین دای اوغلونام سن ده منیم بی بیم قیزی
گؤنول باخیرسا گونه شه ، گؤزده گرک بیر قاماشا
ایندی بیزیم مارال کیمی ، اوچ بالامیز واردی ، گرک
آتا – آنا ساواشسادا ، بونلارا خاطیر باریشا
هر کیشی یه عیالی دا ، اؤز جانی تک هؤروکلنیب
هدیه ده اولماز ائله سین عیالی قارداش قارداشا
بو دونیا بیر یول کیمی دیر ، بیز آخرت مسافیری
کجاوه ده هاماش گرک اؤز هاماشینان یاناشا
آخیرتی اولانلارین ، دونیاسی غم سیز اولمویوب
سئل دی گله ر آخار کئچر ، آمما گرک آشیب – داشا
مثل دی : « یئر کی برک اولور ، اؤکوز اؤکوزدن اینجییور »
هی دارتیلیر ایپین قیرا ، یولداشیلا بیر ساواشا
بیزیم ده روزیگاریمیز یامان دی ، بیزده عیب یوخ
بلکه وظیفه دیر بشر قونشولاریلان قونوشا
حق حیات یوخ داها بیزلره ، چوخ بؤیوک باشی
زندانیمیزدا حققیمیز ، بیر باجا تاپساق ، تاماشا
...
آمما اونون شماتتی آللاها خوش گلمیوبن
گئتدی منیم حیاتیمی ووردی داشا چیخدی باشا
زنده یاد شهریار
به یاد زنده یاد استاد محمد حسین شهریار
چابالیر اوره ک سینه مده
آینایا باخاندا گؤردوم ، ساققالیما دن دوشوبدی
من کی چوخ قوجالمامیشام ، بیلمیرم ندن دوشوبدی
هنر اولسا روح جواندیر ، هله – هله دوشگون اولماز
اونداکی گؤردون دوشوبسه ن ، بو نفیر بدن دوشوبدی
اورایا کی سن گئدیرسن ، قویولار آچیبدی آغزین
شیطانین توری یاماندیر ، هر گلیب گئدن دوشوبدی
نه قدیر باشین سلامت ، ال – آیاقدا باشسیز اولماز
آیاغا دمیر دوشه نده ، باشووا چدن دوشوبدی
قویودان که خلقه قازدین ، چیخا بیلمه سن سلامتپ
آدام اینجیدن بلایه ، آدام اینجیدن دوشوبدی
چابالیر اورک سینه مده ، باشی کسیلمیش تویوق تک
پیلله نی چیخاندا گؤردوم ، سینه نفه دن دوشوبدی
سئرچه دن سیچاندان آرتیق ، توری بیز قوراندا دوشمز
آمما شئر تورون قوراندا ، فیل یا کرگدن دوشوبدی
« شهریار » عدندن آیری ، مرواری یئتیم قالاندا
یمن جنوبی دن ده ، باخاسان عدن دوشوبدی
سون تقسيم
مملکته یابانجی یام
مملکت منه یابانجی
هر کسین ماسکی اوزونده
تانیدیک هر کس یالانجی
دوشمگه ، ییخیلماغا گور، سایامادیم بو کاچینجی (نئچنجی)
قالماییب اینسانین اینانجی
آنا من اینسان لیقا کوسدوم
حایاتا کوسدوم
من عشقه کوسدوم
..
بهار اورتاسیندا گورولدوم
گاه سوروک لندیم ، سورولدوم
ان سون تقسیم ده گورولدوم
آنا من اینسان لیقا کوسدوم
حایاتا کوسدوم
من عشقه کوسدوم
علی احمد زاده
HTTP://WWW.TURKULAR.BLOGFA.COM
سون تقسيم شعريمين اتک یازیلاری
یابانجی : بیگانه ، خارجی
یالانجی : دروغ گو
کاچینجی : چندمین بار
اینانج: باور ، اطمینان
کوسدوم: قهر کردم
سوروک لندیم : خار شدم
تقسیم : بولوم ، مرتبه ، درجه
شعری دیگر از اسکندر حیدری
بير پاییزین سرين آخشامچاغيندا
بوتون داريخمالاريمي
سيخينتيلاريمي
آرازا ساري گوتوردوم
ساحيلده
بير ازلدن قالان قايانين اوستونده
درين بير سن سيزليقين آرديندان
ائله اومودسوز
ائله چاره سيز
بوتون مني سئومه ديگين يادا سئوه بيلمديگين قدره ر يورقون
و دوشونه بيلمه ديگين قده ر يانليز
اوتورموش سني دوشونوردوم
يئنه آنلامسيز خاطره لر له اوز اوزه يم
سانكي بير آچيق پنجره نين آرخاسيندان
بير بير
آردي آردينا
دال با دال
سس سيز بير فيلم كيمي
گليب كئچيرديلر
و من بير تماشاچي كيمي بير بير اونلاري ايزلييرديم
ياديندامي نئجه اياق يالين
ال اله ياپيشيب بوتون قومسالدا دولانميشديق
سن ساحيلده قوملارين اوستونه اياق قويدوغوندا
آياقلارين ياناردي
منيم ده ئوره گيم
آه چكديغيمده
قاريشدي آرازين اوستونده ن كئچه ن بوتون
سينقين سويوق سس سيز آه لارا
يامان قاريشدي منيم آهيم
آراز بويو چكيلن آه لارا
25 آبان 84 - اسکندر حیدری - پلدشت
مبارک باد آمد ماه روزه
جانیم یاندی گل
چوللره دوشموش سني چوخ اوزله ديم
قالميشام حسرتده جانيم ياندي گل
هـر گـئـجـه گونـدوز يـولـونـو گوزله ديم
قالميشام حسرتده جانيم ياندي گل
...
آي گوزو حسرتلي باخيش هارداسان
نازلا دولو اينجه ياغيش هارداسان
سوسما بئله دينله دانيش هارداسان
قالميشام حسرتده جانيم ياندي گل
...
من نئجه سئوگيمله سنه باغلييام
گور نئجه يانليزليقيما داغلييام
بيرده بو سن سيزليقيمه آغلييام
قالميشام حسرتده جانيم ياندي گل
...
كوز قالانيب سينه مين اوسته يانير
كونلوم اولوب قان ئوره گيم اودلانير
اولمويا سئوگي بئله جه يادلانير
قالميشام حسرتده جانيم ياندي گل
...
ايسته ميرم بيرده اياز اسمه سين
مندن آراز اينجيمه سين كوسمه سين
ياراولا بيلمز كي مني سئومه سين
قالميشام حسرتده جانيم ياندي گل
...
غم هاواسي قوندو سازين اوستونه
يئندي پاييز شن لي يازين اوستونه
مكتوبومون بيرده يازين اوستونه
قالميشام حسرتده جانيم ياندي گل
...
بو اوزانان آيريليقي كيم ساليب
كيم مني سندن سني مندن آليب
كيم دايانيب آيريليقيا كيم قاليب
قالميشام حسرتده جانيم ياندي گل
...
كيم دوزه جك بير بئله سن سيزليگه
باخ نئجه دوزدون نئجه من سيزليگه
يوخدو علاج شاخدالي شن سيزليگه ؟
قالميشام حسرتده جانيم ياندي گل
...
ايندي منم بيرده آغاج كولگه سي
قالميش ئوره كده ياريمين ئوفگه سي
سئوداميزي آنلاماسين ئوزگه سي
قالميشام حسرتده جانيم ياندي گل
...
يالواريرام عشقيميزين سون چاغي
باخ توكولور سئوداميزين يارپاقي
قويما اولام آيريليقين دوستاقي
قالميشام حسرتده جانيم ياندي گل
شعر : اسکندر حیدری( پلدشت )
با تشکر از اسکندر حیدری عزیز جهت ارسال این شعر زیبا
کاروانیمدا آیریلیغین کؤچو وار
آنا دئیدیم داغ باشینی چن آلدی
بو حسرتی هانسی سیمده چالیم بس ؟
غمدن باشق اوره ییمده نه قالدی
یاشیللانار گؤروم نه واخ یولوم بس
قاداسین آلدیغیم
چؤل منیم دیر ، چیچک سنین
گول منیم دی ، لئچک سنین
ال منیم دی ، اتک سنین
کسمه قاداسین آلدیغیم
...
سندن سونرا یوخدو یولوم
سن اولدون قانادیم قولوم
اؤلدور منی قوربان اولوم
کوسمه قاداسین آلدیغیم
...
باتیر منی عوممان کیمی
ایتیر منی دومان کیمی
باشیمدا بیر طوفان کیمی
اسمه ، قاداسین آلدیغیم
...
یوللاری یوروب گله رم
طیلیسمی قیریب گله رم
قبیردن دوروب گله رم
سسله قاداسین آلدیغیم
..
بیر دریا اول گه میم اوچون
بیر ایلاج اول غمیم اوچون
سن اؤزونو منیم اوچون
بسله قاداسین آلدیغیم
نصرت کسمنلی
