قارداشیمین مزاری
داش نه بیلیر من بلالی باشیم وار
بو قبر اوسته آخان بیر گؤز یاشیم وار
آرزی - گورزی تاریخچه سیندن قالان
بوردا آنجاق بیر یازیلی داشیم وار
فاتحه نی اونوتمایین کی بوردا
منیم ده بیر یارالی قارداشیم وار
اطاعتیز عبادتیز قبول اولسون
باش توتماز سئوگی
یالنیز اؤیره نیردیک بیر بیریمیزه
دئدیلر بو سئوگی باش توتان دئییل
نه سن دئیه بیلدین ، نه من آنلادیم
زمانه تاسلاری جوت توتان دئییل
*
سنی باشلامیشدیم بیر یاز گونونده
سن منی بیتیردین بیر قیش آخشامی
سانیردین اونوتدوم اؤیرنمیش لری
وئردیین سؤزلردن قالانی وارمی؟
*
سنی یاشاییردیم دنیز - دنیز من
منی آنلاییردین داملا کیمی سن
گرک کی یولوموز آیدین لاشایدی
اوستونه قالخیردی یاواش - یاواش چن
*
بلکه بیز یولونو آددیملامیردیق
سانیردیق یولداشیق ، یولوموز آیری
یالنیز اؤیردیردیک بیر - بیریمیزه
یاشامین چیینین ده ، قولوموز آیری
آدام
آداما آداملیق قالار
آدام گئده ر آدی قالار
آدام وار رحمت آپارار ، آدامدا وار لعنت آپارار
آدام تایین تاپماسا ، گونو آخ واینان گئچر
آدام گرک دشمنیندن ده بیر عاغیل اؤرگنه
آداما سؤزو بیر دؤنه دئیرلر
آدامی آدام ائیلین پولدو
آدامین آدی پیس چیخینجا جانی چیخایدی
آدامین اوریین ده کینی اوخوماق اولماز
آدام وار کی اوزو گولور ایچه ریسی آغلیر
آدامنان آدامین چوخ فرقی وار
آدامین اؤلومو میرده شیرنن موللایا تویدو
عباس پناهی ماکوئی
عباس پناهی در سال 1281 هجری شمسی در شهر ماکو در خانواده ای ادب دوست به دنیا آمد. کودکی اش در زادگاهش سپری شد. اواز سال 1286 - 1296 در شهر خوی به تحصیل پرداخت. پدرش حاجی علی اکبر ، از تاجران خوش نام و بزرگ دوران خود بود. عباس در سن پانزده سالگی تحت تاثیر میرزا علی اکبر صابر سرودن شعر را آغاز کرد. در سال 1304 حکایت « پریشا » را نوشت که در روزنامه « یئنی فیکیر » به چاپ رسید.از آن هنگان به بعد نوشته هایش مورد استقبال مردم قرار گرفت.
در سال 1321 در روزنامه آذربایجان در تبریز شروع به کار کرد . او در این نشریه حکایت می نوشت.او در سال 1325 به شهر باکو کوچ کرد.
عباس پناهی متخلص به ماکولو پناهی ، روز 29 سپتامبر1971 میلادی بعد از یک دوره بیماری سخت درگذشت.
از آثار او می توان سیرلی چوبان ، قیرمیزی آشیقلار ، تبریز گئجه لری ، ستارخان ،قیزیل زندان ، منظومه خانیم ننه را نام برد.
بعد از درگذشت عباس پناهی ، پسرش شفیق پناهی دو دست نوشته به چاپ نرسیده اش خیابانی و حیدر عموغلی را به چاپ رساند.
اقتباس از : ماکولی عباس پناهی و ستارخان رومانی .به قلم صمد شفیع زاده.
شرح کامل زندگی عباس پناهی به روایت صمد شفیع زاده در این آدرس
http://shafizadeh.net/satar%20xan.pdf
بیگانه ده من ده
بیر زولفه کؤنول باغلامیشیق شانه ده من ده
زنجیره گرک باغلانا دیوانه ده من ده
سلطان و گدا ، مملکت عشق ده بیر دیر
سارقین دی او گیسولره ، جانانه ده من ده
عشق آتشی بیر یئردن آلوولانمیش ازلدن
بولبولده یانیر ، شمع ده ، پروانه ده من ده
مفتون ائله ییب عالمی بیر دیلبرین عشقی
مجنون دا دوشوب چؤللره ، فرزانه ده من ده
میخانه دیر عالم بوتون اینسان سایی سرمست
ساقی اؤزوده مست دی پیمانه ده من ده
او ماه وشین وصلینه یول تاپماغا خاطیر
کویوندا دوشور توپراغا بیگانه ده من ده
صادق بیزه گر قید و ریا اولماسا حاکیم
زاهد ده یاتار گوشه میخانه ده من ده
زور
زورنان گؤزللیک اولماز
زورنان پهلوانلیق اولسا ، ائششکین گوجو هامی دان چوخدو
زورو دا وار ، زری ده
زور سؤزون آخیری اولماز
زورا داغلار دایانماز
زورنان یئریین ایت ، سورویه فایداسی اولماز
زور قاپی دان گیرنده ، آغیز دادی باجادان قاچار
بیر خیرداجا بایاتی
بیر قیز گؤردوم بیچین ده
ساری سونبول ایچینده
من یاریمی سئومیشم
اون بئش یاشین ایچینده
*
عاشقم یارا منده
درد منده یارا منده
یولوندا جانیم وئردیم
یارادیم یارا منده
*
آی دوغدو بیرجه بارماق
قلبیمه باتدی قارماق
ائل یاتدی اوبا یاتدی
منه قالدی یالوارماق
*
عزیزیم سندن ایراق
دوشموشم سندن ایراق
قوی دردین منه قالسین
تک اولسون سندن ایراق
*
کؤینه یین گولو خارا
گئیمیسن گوللو خارا
جفاسین چکن بولبول
وئره ر می گولو خارا؟
*
قازان
قازانین قاراسی گئدر ، اوزون قاراسی گئتمز : سیاهی دیک می رود و سیاهی
رو نمی رود.
قازان دیبی یالییانین ، نیشانلی سی گؤیچک اولار : کسی که ته دیگ را بخورد ،
نامزد زیبا قسمتش می شود.
قازان قاپاق سیز اولماز ایگیت پاپاق سیز : دیگ بدون در نمی شود و جوانمرد
بدون کلاه
قازانا گؤره ، آش قاینات : آش را به اندازه دیگ ات بجوشان
قازان اولسون ، دولو اولسون ، یئیه نی تاپیلار : دیگ باشد و پر باشد ، خورنده
اش پیدا می شود
گئجه دیر
قابارلی گؤزلریمی قورخولار چالان گئجه دیر
گئجه دووز ، گئجه بایقوش ، گئجه ایلان گئجه دیر
زامان اؤزون ایتیریب ، بورخولوبلار عقربه لر
سحر گونش چیچکی چیخمامیش سولان گئجه دیر
آچیقدی پنجره لر سان کی گرنه شیر اودالار
بو بوش قوجاقلارا زیل خولیالار دولان گئجه دیر
ائشیتمه دن بیر آجیخمیش پیشیک قاچیر کوچه ده
دایان آجیبلا پیشیکلرده دالدالان گئجه دیر
غزل دوغولور دلی بئینیم یئنه بو کیپلریکلر
یومولماماقلا یومولماقدا قرق اولان گئجه دیر
یئنه ایچیمده اویاقدیر حوزونلو خاطره لر
اؤتن کدرلریمی فیکریمه سالان گئجه دیر
اؤنومده بیر قادینین بیر سحر چاغی کوچه ده
گرزونده دالغالانیب کؤنلومو الان گئجه دیر
ائله او گؤزلره تک ، آه ائله سئوگی یه تای
یالانچی دیر بو قارانلیق گئجه ، یالان گئجه دیر
ساچیم آغارمادادیر ، گئت به گئت ساچیم سان کی
سحر چاغیندا ایشیقلاردا محو اولان گئجه دیر
آنام بو گؤیلره یاس پالتارین یووب سرمیش؟
یادا آتام یاسینا ساچلارین یولان گئجه دیر
آنا سحردی؟ یا آغ بیرچه گین اسیر کوچه ده
یا اود توتوب نفسیندن ایشیقلانان گئجه دیر
سحر آچیر کوچه آغزیندا بیر سیچان دیلییب
یئنه بو آج گوچه نین معده سی دولان گئجه دیر
گونش اسیر گلیر آردیجا قاپ قارا کؤلگه م
بو کؤلگه دون گئجه دن قورتولوب قالان گئجه دیر
منبع : ماهنامه آفتاب آذربایجان
قوناق
قوناغین آغزینا باخارلار ، آتینا یئم ودئره رلر
قوناغا گؤره سوفرا آچارلار
قوناق حیاسیز اولسا ، ائو ییه سینی ائودن قووار
قوناق سیز ائو ، اوغورسوز ائو
قوناق سیز ائو ، سوسوز ده ییرمان
قوناق قوناغی ایسته مز ، ائو ییه سی هئچ بیرین
قوناغین روزوسو اؤزوندن قاباق گلر
یاخجی
یاخجی آدام یاوانا دؤزه ر
یاخجی آتلاری ، یاخجی کیشی لر مینیب گئتدیلر
یاخجی ایت اله دوشمز
یاخجی ایشه آللاه ضامین دیر
یاخجی نین اؤزو یاخجی دیر ،چالیش یامان یاخجی لیق اؤرگت
یاخجی یولداش ، یامان گونده تانینار
یاخجی دئی ، یاخجی ائشیت
یاخجی گون جنت دیر ، یامان گون جهنم
یاخجی مال یئرده قالماز
