یئنه - ابوالقاسم نباتی

یئنه

صد شوکر کی قلبیمیز صفا تاپدی یئنه

ساقی الی ، جام بی ریا تاپدی یئنه

بیر خسته کی مرگ دیر اونون درمانی

بیر جامیله گؤر نئجه شفا تاپدی یئنه

باهار - ابوالقاسم نباتی

باهار

تحویل حمل چو ائتدی سلطان باهار

گول جوشا گلیب شاهید مئی آچدی عذار

ساقی گؤتوروب پیاله ، مطرب چنگی

بیر جامیله الدن آلدیلار صبر و قرار

گؤیچک - گؤیچک - ابوالقاسم نباتی

گؤیچک - گؤیچک

گلدی بیر شوخ گئنه یانیما گؤیچک - گؤیچک

ووردو بیر تیغ جفا جانیما گؤیچک - گؤیچک

لاله روخسارین ائدیب خون دیلیمدن گولگون

بویادی اللرینی قانیما گؤیچک - گؤیچک

پاره - پاره جگریم شیشه چکیب ائتدی کباب

تیکدی گؤز دیده ی گیریانیما گؤیچک - گؤیچک

حیف کیم اولمادی بو عاشیقه بیر جانی یانان

دئیه بیر دردیمی جانانیما گؤیچک - گؤیچک

پناه آللاها دئییب ، قهر و غضب دن یوما گؤز

ائده بیر عرضیمی سولطانیما گؤیچک - گؤیچک

تا کی پروانه کیمی شؤوقیله بو جانی فدا

ائدم اول شمع شبستانیما گؤیچک - گؤیچک

اولو یارب ! گؤره سن بیر گئجه اول .الی مصر

گله بو کلبه ی احزانیما گؤیچک - گؤیچک ؟

غم یئمز داهی نباتی اگر اول شاه جهان

باسا بیر موهرنو فرمانیما گؤیچک - گؤیچک

ابوالقاسم نباتی

اولدوم

دوشه لی عشقه ، خوار و زار اولدوم

شمع تک دود آها یار اولدوم

یاندیریب خرقه و ردانی ، تمام

شیخ صنعانا ننگ و عار اولدوم

دئدیلر آدیما خراباتی

خلقه بیر کوفر آشکار اولدوم

تنگه گتدی منی ملامت لر

ساکین دشت و کوهسار اولدوم

درد هیجرانا تاپمادیم چاره

نه عجب شاه تاجدار اولدوم

چون نباتی اونوتدو دونیانی

من ده بو خلقدن کنار اولدوم

قوشمالار - سید ابوالقاسم نباتی

قوشمالار

گئنه گؤزوم دوشدو بیر مه جمالا

آغ اوزونده قارا مشکین خالی وار

حلقه - حلقه اولوب زولف مشکینی

لوحش الله ! عجب قد دالی وار

سئودیگیم گؤزلرین آلدی جانیمی

یاغی غمزه لرین قانیمی تؤکر

دوشسه هر کیم داخی چیخماز توروندان

گؤروم بو زولفددور یا کی مشک تر؟

شئیدا بلبل فغان چکمه غم یئمه

بوگون - ساباح گول آچیلیر یاز اولور

عزیز ساخلا غنیمت بیل وجودون

وفاسی یوخ گولون عمرو آز اولور

بلبل کیمی گول اوزونه مشتاقام

طوطو قوشو دیللی ای صتنم ، صنم

گؤزل لر سلطانی گؤیچکلر خانی

گولابتون تئللی ای صنم ، صنم

 

بیر گؤزل مستزاد - ابوالقاسم نباتی

بیر گؤزل مستزاد

ائتدی منی غم تاپداغی بیر گؤزلری خومّار  

بیر دلبر عیِّار

ساقی منه وئر لوطفیله بیر ساغر سرشار

غمدن منی قورتار

یوخ غایتی تقریر ائله سم مین گئجه - گوندوز

شرح غم عشقی

پایانه یئتیشمز ، نه قیلیم درد دل اظهار

مین گیزلی سؤزوم وار

ائتمین منی مجنونا برابر سیزی تانری

ای اهل خرابات

گؤردو نئچه ویل یارینی اول عاشق حرّار

اول ساکین کوهسار

آللاه بیلیر من کیمی بیر عاشق محروم

دونیادا تاپیلماز

شاهیددی بو احوالا ایکی دیده خونبار

هم آه شرربار

هردم دیله رم چاره اجلدن غم هیجره

گلمزکی نه حاصیل

قالدیم بئله بو درددیله بی مونس و غمخوار

بی یار و مددکار

ای عشقه دوشن عاشق بیچاره یقین بیل

کیم دادا یئتن یوخ

من ائیله مدیم دوغروسو آللاهیما اقرار

خوشدور مه زونّار

مسدود اولوب چارطرفدن منه یاران

ابواب فتوحات

گویا کسیلیبدیر منه بیر محرم اسرار

بیر یار وفادا

افسون و فسونون اثری اولمادی هرگیز

اول طورفه نیگارا

آسان ایشیمی ووردو دوعا ائیله دی دوشوار

قالدیم بئله ناچار

نه عقلده کام اولدو میسّر، نه جنوندا

ای عارف سالیک

سن مندن ائشیت ، بیر گوله اول طالیب دیدار

اگلش بئله بی کار

فاش ائتمه گیلن سرّینی هر جاهیل و خامه

اول عاشیق کامیل

سن اولماگیلان من کیمی هیجرانا گرفتار

مهجور و دل افکار

هیجران دئمیش اولدوم قلم اود دوتدو آلیشدی

آهیم شرریندن

بیر خنجر خونریز گتیر ، باغریمی بیر یار

بیر گؤرکی نه لر وار

زهر ائیله دیلر بو ایکی گون دیرلیگی بالله

من عاجز زاره

کور ائتدی منی جؤوریله بو چرخ ستمکار

جاندان نئجه بیزار

چوخ ائتمه شیکایت ستم چرخدن ای دل

خوش شیوه دگیل بو

ایسترسن اگر گؤرمیه سن طعنه اغیار

آه ائیله مه زینهار

اول سنگدیلین باشینا چوخ دؤیمه نباتی

واللاه کی یانارسان

تؤک قانلی سیریشکین ، دئی گیلن صیدقیله تکرار

یا حیدر کرّار

دوبیتی لر- ابوالقاسم نباتی

دوبئیتی لر

دور گل ای عشق! کؤنول ملکونو بر باد قیلاق

عقلی یغمایا وئرک ، شهر نو آباد قیلاق

گلگیلن سؤزبیر ائدک ، غئیری آرادان گؤتورک

جانی جانانه وئرک ، دهرده بیر آد قیلاق

ساقیا ! گردشه سال باده حمرانی گؤرک

دردمندیک بیزه وئر بیر تیکه درمانی گؤرک

ایستیرم منده هوا اوزره گزم دونیانی

دور گتیر خاتم یاقوت سلیمانی گررک

یاخشی سالدین بو نباتینی نظردن یا علی

اینجیدین ، بیلدیم یقین بو چشم تردن یا علی

عهد و پیمان ائیله دیم گؤرجک سنی خندان اولام

گل دولانیم باشینا بیر یول بو وردن یا علی

سالمیسان سن بو نباتینی نظردن یا علی

کیم یئتیر دائیم غذا خون جگردن یا علی

فیکر و ذیکریم یوخ سنین اسم اعظمیندن سووای

دوشسه بیر یول گر خبر باد صبادان یا علی

 

بیر گؤزل قصیده

 بیر گؤزل قصیده حکیم ابوالقاسم نباتی دن

 

علی ( ع ) دیر

 

منیم عالمده سولطانیم علی دیر

منیم میر جهانبانیم علی دیر

نه دارا تانیرام من ، نه سکندر

منیم فغفور و خاقانیم علی دیر

بهشتی زاهیده وئردیم سراسر

منیم گلزار و رضوانیم علی دیر

اگر هر کیمسه نین بیر شاهی اولسا

منیم ده شاه شاهانیم علی دیر

توتوب هر مرغ بیر گلشنده مسکن

منیم ده باغ و بستانیم علی دیر

منی بو اسم اعظم ائتدی ناطق

منیم مجموع دیوانیم علی دیر

اگر خنجر چکه دوشمن غم ائتمه

منیم ده تیغ عریانیم علی دیر

منیم سرمایه عمرومدو مولا

منیم جیسمیمده بو جانیم علی دیر

منیم یوخ اوندان اؤزگه ذکر – فیکریم

منیم بو جاندا جانانیم علی دیر

منیم کشتی نوحوم مرتضی دیر

منیم موسی عمرانیم علی دیر

منه ظلمت یولون گؤرسه تمه ای خضر

منیم ینبوع حئیوانیم علی دیر

منیم روح الله هیم اولدو ید الله

منیم شاه سلیمانیم علی دیر

نه دیر باغ جنان و نخل طوبی

منیم سرو خرامانیم علی دیر

منی سئیر گولوستانا آپارما

منیم سئیر گولوستانیم علی دیر

منیم پیر مغانیم شاه مردان

منیم ساقی  مستانیم علی دیر

منیم عمروم منیم روح و روانیم

منیم مرغ سنخدانیم علی دیر

منیم عرشیم منیم فرشیم اودور او

منیم مئر فروزانیم علی دیر

منیم روح و قلم ، کرسی سریریم

منیم اورنگ کیوانیم علی دیر

منیم عودوم منیم رود و سرودوم

منیم هم راح و ریحانیم علی دیر

منیم بزم نشاط و عیش و نوشوم

منیم شمع شبستانیم علی دیر

منیم جام مئی و نقل و کبابیم

منیم سالار ائیوانیم علی دیر

منیم مولکوم منیم مال و منالیم

منیم هم حکم و فرمانیم علی دیر

منیم تختیم منیم تاج و رواقیم

منیم بانی بنیانیم علی دیر

منیم ابریم منیم برق جهنده م

منیم رعد خروشانیم علی دیر

منیم لعلیم منیم در خوشابیم

منیم باران نئیسانیم علی دیر

او شاهبازین اسیری مرغ جانیم

منیم شاهین و ترلانیم علی دیر

دئیه ر دائم دیلینده خان چوبانی

منیم هر درده درمانیم علی دیر

 

 

صالحی آدیندا پیغام یازان عزیز اوچون بو گؤزل شعری تاپدیم .

 

 

بس

 

بس

منه دلبر ، او کؤنول مولکونه سولطانیم بس

دین و دل وئرمه گه اول غارت ایمانیم بس

عاشق صادق اوچون محضر شاهید نه گرک ؟

منه اثبات جنون بو سر عوریانیم بس

نه ایشیم واردی منیم ، سئیر گولوستانه گئدم

سئیر گولشن منه بو خلوت ویرانیم بس

نئیلیرم سیریمی هر ناکسه اظهار ائله ییم ؟

منه غم یار و رفیقیم دل سوزانیم بس

حور و جنت اولا من ایسته میرم یار اؤزومه

منه یار اولسا اگر اول گول خندانیم بس

چوخ دا تعریف ائله مه باغ بهشتی ، زاهید

کی اونون کوئی منیم روضه رضوانیم بس

بولبول و طوطی و قمری سنه ارزانی اولا

ای نباتی منه بو طبع سخندانیم بس

شاعر : ابوالقاسم نباتی

.....

کافی

بر من دلبر ، آن سلطان ملک دلم  بس

برای دین و دل دادن ، آن غارتگر ایمانم بس

بر عاشق صادق محضر و شاهد به چه کار آید

برای اثبات جنونم این سر عریانم بس

مرا چه کار به سیر گلستان رفتن

برای من سیر گلشن این کلبه ویرانه ام بس

اگر حوری و جیران باشد ، من برای خودم یار نمی خواهم

اگر آن گل خندانم یار من شود مرا بس

زیاد تعریف نکن از باغ و بهشت ای زاهد

که کوی یار روضه رضوان من باشد مرا بس

بلبل و طوطی و قمری ارزانی تو باد

ای نباتی این  طبع سخندانم مرا بس

اولابیلمز

                  اولابیلمز

 

نیسبت سنه ای شوخ ! زلیخا اولابیلمز

بو عئشوه ده ، بو غمزه ده ، لیلا اولابیلمز

آهوی ختن سندن آلیب طرز نیگاهی

گول برگ لبین تک گول حمرا اولابیلمز

ائتمه م گؤزونو نرگیز شهلایه برابر

زولف سیه هین تک شب یلدا اولابیلمز

جان نقدینه بیر بوسه کرم قیل سنی تاری

داهی دئمه « ال چک کی بو سئودا اولابیلمز»

مندن سنه عجز ائیله مک اولسون گئجه - گوندوز

سندن منه هی ناز کی « حاشا اولابیلمز»

بس کی منی گرجک ، منه وحشی کیم باخدین

ایندی داهی مجنون منه همتا اولابیلمز

چوخ عشقه دوشنعاشق بیچاره نی گؤردم

هئچ بیری نباتی کیمی شئیدا اولابیلمز

 

شاعر : ابوالقاسم نباتی

ارسالی آقای قربانزاده

 

رباعیلر - ابوالقاسم نباتی

        حکیم سید ابوالقاسم نباتی

 

                                         رباعیلر

ساقی به حق علی اعلا ، اعلا

اول شاه جهان ، ولی والا ، والا

بیر جامیله سرمست ائله بو مجنونو

تا مست یازیم بو شعری ، حالا حالا

...

ساقی عطش کبابا آب ائیله ر علاج

مدقوقا یقین شراب ناب ائیله ر علاج

آئینه دل زنگ کدورت توتسا

قیل تجربه کی قند و گولاب ائیله ر علاج

...

ای شیخ سوال ترکینی قیلدین ، قیل !

بو مال و منال ترکینی قیلدین ، قیل !

چون آخیر اولوب جلال بو خواب و خیال

بو خواب و خیال ترکینی قیلدین ، قیل

...

ساقی ایشیمیز ناله و افغان اولدو

زولفون کیمی حالیمیز پریشان اولدو

هر ریند و گدا دئییر « منم شاه جهان »

هر قو بیره بیر بولبول خوشخوان اولدو

...

من روز ازلده سئومیشه م بیر شاهی

الله دییه ر اونو علی الله هی

هر کیم اونا الله دئسه کافردیر

شکاکدیر اول ، نباتی ته ک واللهی

...

دنگ ائتدی منی ناله چنگ ای ساقی

قوربانین اولوم بسدیر ، آمان ، ای ساقی !

کؤنلوم ائوینی لشکر غم ائتدی خراب

وئر باده کی باغریم اولدو قان ای ساقی