یانان عشق آتشینه آتش دوزخ دن ایمن دیر
نه کیم بیر گز یانار ، یاندیرماق اونو غیر ممکن دیر
بوراخدیم زورق دل اشک بحرینه ، ساقین ای ماه
تموج وئرمه سین تشویش اوان کیم اوندا ساکن دیر
دهانین درونو خال لبین ، گؤزدن نهان ائتمیش
امانت گؤرکی هندو مخزن لو لویه خازن دیر
غمین کی تؤکدو قانیم ، دل ده ساکن اولدوغون بیلدیم
کی خلوت چکمه نین تاثیری کشف سر باطن دیر
جگر داغینه مرهم اولدو پیکانین بحمدالله
سعادت کوکبینه اختر بختیم مقارن دیر
رخون دان نور اوغورلار شمع ، باشین کسسه لر جائز
بودور بیر قول سرانجامی کی سلطانینه خائن دیر
فضولی خالی اولماز صورت دل دوست فکرین دن
بو معنی ده کی بیت الله دئرلر قلب مومن دیر
راز عشقین ساخلارام ائل دن نهان ای سرو ناز
گئتسه باشیم شمع تک ، ممکن دئییل افشای راز
خوب لر محراب ابرو سینه میل ائتمز فقیه
اؤلسه کافردیر مسلمان لار اونا قیلمایین ناماز
کیمسه اول بدخویه اظهار ائده بیلمز دردیمی
ای سرود ناله تانری چون سن اول گیلن چاره ساز
قالبیم گؤرموش تهی تؤکمک دیلر بیر تازه روح
برق آهیم کیم کلن پیکانینه وئرمیش کداز
من خود اؤلدوم ای تابیم دن اولان ساغر مدام
رندلر بزمین گزیب بیر - بیر یئتیر من دن نیاز
خوب صورت لردن ای ناصح منی منع ائتمه کیم
پرتو انوار خورشید حقیقت دیر مجاز
ای فضولی قالمیشام حیرت ده بیلمن نئیله ییم
دهر ظالیم بخت نافرجام طلب چوخ عمر آز
بیلمز
فغان کی باغریمین قان اولدوغون او لاله رخ بیلمز
جگر پرکاله سین ده داغ پنهان اولدوغون بیلمز
حبیبیم کؤنلومو جمع ائیله مز رخساری دورون دن
مگر زلفی کیمی حالیم پریشان اولدوغون بیلمز
قیلار تقصیر ائدیب بیر لطف هر دم کرنلوم آلماق دا
وفا رسمین سانیر دشوار ، اسان اولدوغون بیلمز
گؤزل لر دولت وصلین بولان ، مغرور اولان عاشق
نشاط وصل ده ، اندوه هجران اولدوغون بیلمز
دل صد پاره دن بیدادی کسمز غمزه مستین
نه غافل پادشه دیر ، ملک ویران اولدوغون بیلمز
سانیر زاهد اؤزون خالی خیلین دن غلط دیر بو
او حیران اولدوغون دان دیر کی حیران اولدوغون بیلمز
فضولی خسته یه دشمن سؤزیله دوست جور ائیلر
زهی ساده معارض ، قول بهتان اولدوغون بیلمز
کؤنلوم آچیلیر
کؤنلوم آچیلیر زلف پریشانینی گؤرجک
نطقیم توتولور ، غنچه خندانینی گؤرجک
باخدیقجا سنه قان ساچیلیر دیده لریمدن
باغریم دلینیر ناوک مژگانینی گؤرجک
رعنالیق ایله قامت شمشاد قیلان باد
اولمازمی خجل سرو خرامانینی گؤرجک
چوخ عشقه هوس ائده نی گؤردوم کی هواسین
ترک ائتدی سنین عاشق نالانینی گؤرجک
کافر کی دئییل معترف نار جمهنم
ایمانه گلیر آتش هجرانینی گؤرجک
نازک لیک ایله غنچه خندانین ائدن یاد
ائتمزمی حیا لعل در افشانینی گؤرجک
سن حال دلین سویله مه سن نولا فضولی؟
ائل فهم قیلیر چاک گریبانینی گؤرجک
دوست بی پروا ، فلک بی رحم ، دوران بی سکون
درد چوخ ، همدرد یوخ ، دشمن قوی ، طالع زبون
سایه امید زائل ، آفتاب شوق گرم
رتبه ادبار عالی ، پایه تدبیر دون
عقل دون همت ، صدای طعنه یئر - یئردن بلند
بخت کم شفقت ، بلای عشق گون - گون دن فزون
من غریب ملک ، راه وصل پر تشویش و مکر
من حریف ساده لوح و دهر پر نقش فسون
هر سهی قد جلوه سی بیر سیل طوفان بلا
هر هلال ابر وقاشی ، بیر سر خط مشق جنون
یئل ده برگ لاله تک ، تمکین دانش بی ثبات
سودا عکس سرو تک ، تاثیر دولت واژگون
سر حد مطلوب پر محنت طریق امتحان
منزل مقصود پر آسیب راه آزمون
شاهد مقصد نوای چنگ تک پرده نشین
ساغر عشرت ، حباب صاف صهباتک نگون
تفرقه حاصل ، طریق ملک جمعیت مخوف
آه بیلمم نیله ییم ؟ یوخ بیر موافق رهنمون
چهره زردین فضولی نین ، توتب دور اشک آل
گؤر اونا ، نه رنگ لر چکمیش سپهر نیلگون
نوبهار عالم آرادیر
گتیر ساقی قدح کیم نوبهار عالم آرادیر
زمین سبز و هوا جانبخش و گلشن راحت افزادیر
پریشان اولما کیم ، گلبرگ تک حالا بو گلشن ده
نشاط عیش ایچون ، اسباب جمعیت مهیادیر
آچیلدی لاله ، گولدو غنچه ، گلدی عشرت ایامی
زبان حال سبزه ، عشرت ایماسینه گویادیر
گؤر اؤز حالینی هم چکمه غم ماضی و مستقبل
کی حالا موسم گلگشت و دور جام صهبادیر
سحر گلزاره گیر بالله بو موسم لرده کیم هر دم
تماشا قیل گلون دیوانینه کیم ، خوش تماشادیر
سنه
غم دن اؤلدوم دئمه دیم حال دل زار سنه
ای گل تازه روا گؤرمه دیم آزار سنه
ایچ می ناب کی باغرین دان ائدر جمله کباب
آتش عشق ایله عشاق جگر خوار سنه
می گلگون دا دئییل نرگس مستین عکسی
قدح اولموش گؤز آچیب عاشق دیدار سنه
عارضین گل گل ائدیب دیر می گلگون تابی
وه کی بیر گل دن آچیلمیش نئچه گلزار سنه
باغه سئیر ائت بو لب لعل ایله کیم غنچه گل
گوستره خون دل و دیده خونبار سنه
دئییردیم قامتینه سرو ولی اؤزگه ایمیش
حرکات و روش و شیوه رفتار سنه
اییلیب طرف بنا گوشینه درد دلیمی
یا او « طاق » ین دئیه یا طره طرار سنه
تا گرفالرینم آزاد اولا بیلمم غم دن
هیچ کیم اولماسین ای شوخ ، گرفتار سنه
لعل نابین هوسی ، باغریمی قان ائیله دی گن
آه کیم ، قانلی باشیم قیلمادی اظهار سنه
ای فضولی ، فلکین وار سنین له نظری
کیم غم و محنتینی وئردی نه کیم وار سنه
باخدیم اوزونه ، صبر و قراریم گئتدی
خاک اولدوم و هر یانا غباریم گئتدی
القصه قاپوندان اعتباریم گئتدی
*
خونابه تؤکوب دیده گریانیم دن
سن سیز بویادیم یئر اوزون اؤز قانیم دن
اؤز قانیم ایله اؤزوم ائیله رم دعوا
گئتمزسه الیم نولا گریبانیم دن
دوبیتی ها
به خاک ره کشیدم صورت جسم نزارم را
بدین صورت مگر بوسم کف پای نگارم را
غبار رهگذارم کرد شوق ، امید آن دارم
که گاهی خیزم و گیرم رکاب شهسوارم را
**
در هجر یار حال دل زار مشکل است
زین حال واقف ار نشود یار مشکل است
آسان به وصل یار رسیدن توان ولی
در وصل یار دیدن اغیار مشکل است
**
از سیمبران وفا ندیدم هرگز
وز باغ وفا گلی نچیدم هرگز
با این که کشیده ام همه عمر جفا
از کوی وفا پا نکشیدم هرگز
**
داری همه شب دیده بیدار ای شمع
وز سوز جگر چشم گهربار ای شمع
می سوزی و می گدازی و می گریی
گویا که چو من جدائی از یار ای شمع
**
داغ غم هجران تو در جان دارم
صد ناله زداغ غم هجران دارم
ای عمر که بی تو زندگی دشوار است
غم کشت مرا از تو چه پنهان دارم
دؤرد پارا
هر شام یئتر وصال جانانه چراغ
تا صبح قالیر همدم و همخانه چراغ
رشک اودونا یاندیردی منی هر ساعت
وهم ایله مز آهیم اودونا یانه چراغ
**
هر گه که بهار قیلدی آرایش باغ
نومیدلیک ووردو لاله وش باغریما داغ
زیرا تیکان اوزره توتدو بلبل مسکن
گل باد گذر گهین ده یاندیردی چراغ
**
می منعینی ائیله ییب شعار ای واعظ
توتدون ره طعن عشق یار ای واعظ
ترک می و محبوب ائده سن جنت ایچون
شرح ائیله کی جنت ده نه وار ای واعظ
**
سوز دلیم اشک آل دن ائیله قیاس
اندوهیمی ضعف حال دن ائیله قیاس
خورشید کی حسنونن قیلیر بحث جمال
ترک ادبین زوال دن ائیله قیاس
**
هر دل که اسیر غم هجران اولماز
شایسته ذوق وصل جانان اولماز
هر درد کی وار ، وار درمانی ، ولی
بی دردلرین دردینه درمان اولماز
**
ای فایده علمینه عالم محتاج
خاک قدمین ، اهل هنر باشینه تاج
هر کیم ده کی گؤردو همتین سو ، مزاج
اول سو ، مزاجه لطف ایله قیلدی علاج
ناله ترکین قیلمارام نی تک کسیلسم بند - بند
قیل مدد ای بخت ، یوخسا کام دل ممکن دئییل
بؤیله کی او دلربا بی درد دیر من دردمند
داغ لر دیر اودلو کؤکسوم دن قاراسی قوپمامیش
یا ثبات عشق ایچون اود اوزره بیر نئچه سپند
آچیلیر کؤنلوم گهی کیم گریه تخلیم گؤروب
آچار او گلرخ تبسم بیرله لعل نوشخند
خاک راهیم دن منی قالدیرا بیلمز سایه تک
قیلسا گردون آفتابین هر شعاعین بیر کمند
جام توت دئر ساقی گلچهره زاهد ترک جام
ای کؤنول فکر ایله گؤر کیم ، هانسی دیر توتماغا پند
ای فضولی ، صورت فقرین قبول دوست دور
هیچ درویشی ، سنین تک گررمه دیم سلطان پسند
خوش اول کی دم چکیب باده ناب
سرمست یاتام قبرده تا روز حساب
غوغای قیامت ده دورام مست و خراب
نه فکر حساب اولا ، نه پروای عذاب
خیل غمین ائتدی نقد عمروم تاراج
صبر ایله میسر اولمادی درده علاج
رخساریمه تؤکدو مردم چشمیم قان
هندویی گؤزون ، لعل وئریر رومه خراج
کیم دیر کی غمین ده ناله زار ائتمز ؟
دردین سنه ناله ایله اظهار ائتمز ؟
فریادینا هیچ کیمسه نین یئتمزسن
فریاد کی ، فریاد سنه کار ائتمز
ملا محمد فضولی
منی جاندان اوساندیردی ، جفادان یار اوسانمازمی؟
فلک لر یاندی آهیم دان ، مرادیم شمعی یانماز می ؟
هامی بیمارینا جانان ، دوای درد ائده ر احسان
نئچون قیلماز منه درمان ، منی بیمار سانمازمی ؟
شب هجران یانار جانیم ، تؤکر قان چشم گریانیم
اویادیر خلقی افغانیم ، قرا بختیم اویانمازمی ؟
گل رخسارینه قارشی ، گؤزومدن قانلی آخار سو
حبیبیم فصل گول دور بو آخارسولار بولانمازمی ؟
غمیم پئنهان توتاردیم من ، دئدیلر یاره قیل روشن
دئسم او بیروفا بیلمم اینانارمی ، اینانمازمی ؟
دئییلدیم من سنه مایل ، سن ائتدین غقلیمی زایل
منه طعن ائیله ین غافیل ، سنی گؤرجه ک اوتانمازمی؟
فضولی رند و شیدادیر ، همیشه خلقه رسوادی
سوروشون کی نه سوودادیر ، بو سوودادان یورولمازمی ؟
عاشق اولدوم یئنه بیر تازه گول رعنایه
کی سالیر آل ایله هردم منی یوز غوغایه
مشت اوروب قالب فرسوده می که حبس قیلیر
که سراسیمه و. عریان ، بوراخیر صحرایه
گؤزومون قانی ایله سینه می ال ائتدیم کی
آلت صنعت اولا ، او بت بی پروایه
بو نه ایش دیر کی منی اینه کیمی اینجه لدیب
سالیر ایپلیک کیمی هر دم ، بیر اوزون سئودایه
ایاغین باغلامیش آواره لرین ، صنعت ایله
یوخ نهایت ، سر کویون دا گزه ن شئیدایه
لخت – لخت اولموش ایکن ، غمزه درفشینی چکیب
چاره ساز اولمادی بیردم من غم فرسایه
یاخا چک ائدنی ، باشماق کیمی سالیر ایاغا
ای فضولی باخ اونون ائتدیگی استغنایه
توتوشدو غم اودونا شاد گؤردویون کؤنلوم
مقید اولدو او آزاد گؤردویون کؤنلوم
دیار هجرده سیل ستم دن اولدو خراب
فضای عشق ده آباد گؤردویون کؤنلوم
نه گؤردو باده ده بیلمم کی اولدو باده پرست
مرید مشرب زهاد گؤردویون کؤنلوم
فراقین اودونو گؤردکجه موم تک اریدی
ثبات صبرده فولاد گؤردویون کؤنلوم
گتیردی عجز ، گؤروب عشق مشکل اولدوغونو
هامی هنرلره استاد گؤردویون کؤنلوم
دئییل دی بؤیله دمین ده بیر اهل عشرت ایدی
بو قانلا ایچمه یه معتاد گؤردویون کؤنلوم
فضولی ایله دی آهنگ عیش خانه روم
اسیر محنت بغداد گؤردویون کؤنلوم
یارب
یارب همیشه لطونو ائت رهنما منه
گؤسترمه اول طریقی کی یئتمز سنه ، منه
فطع ائیله آشنالیغیم اوندان کی غیردیر
آنجاق اؤز آشنالرین ائت آشنا منه
بیر یئرده ثابت ائت قدم اعتباریمی
کیم رهبر شریعت اولا مقتدا منه
یوخ منده بیر عمل سنه شایسته ، آه اگر
اعمالیمه گؤره وئره عدلین جزا منه
خوف خطرده وضطربم ، وار امید کیم
لطفون وئره بشارت عفو و عطا منه
من بیلمه رم گرکن سن حکیم سن
منع ائیله وئرمه هر نه گرکمز سنه ، منه
اول دور منه مراد کی ، اول دور سنه مراد
حاشا کی سن دن اؤزگه اولا مدعا منه
حبس هواده قویما فضولی صفت اسیر
یارب هدایت ائیله طریق فنا منه
شاعر : ملا محمد فضولی
قایاقیزی در بلاک اسپات
حذر قیل
حذر قیل آه اودوندان ، جورونو عشاقه آز ائیله
خس و خاشاکی یاخما ، شعله سین دن احتراز ائیله
صنملر سجده سی دیر بیزده طاعت تانری چون ، زاهد
کیمی گؤرسن سن اؤز دینین ده تکلیف نماز ائیله
حقیقت حرفینی یازماق دیلرسن لوح ذاتین ده ؟
خطین گلرخ لرین منظور توت ، مشق مجاز ائیله
صنم لر سنگ دل لردیر، ائشیتمزلر سؤزو زاهد
یئتر بیهوده من تک اونلارا عرض نیاز ائیله
سنین نازین گؤرنده ، عقل قالماز حسبته للله
آمان وئر عاشق دیداره بیر دم ترک ناز ائیله
یولوندا انتیظار مقدمین له خاک اولان چوخدور
خرام ائت بیرقدم ، من خاکساری سرفراز ائیله
فضولی جانه تاپشیریدن خیلین ، ایندی رسواسن
سنه کیم دئییرکی هر نامحرمه ، افشای راز ائیله
نام شاعر : ملا محمد فضولی
